Nha Rap é Bensom (part. Helio Batalha & Heliane Imany)

N manxe ku vontadi xinti sól
Soris friu N dexa-l na lensól
Mama da-m benson pa bu fidju sa ta sai
19, fla kumétas ma Batalha sa ta bai
Kontra tudu ki ben kóntra, kontra tenpestadi
Kaminhus ki N ta anda no ka ten maldadi
N da tudu pa nha sonhu: Lágua, suor ku sangi móda era ki kai labanta mô k'é mon di txan di kana

Ma nu ka móre, tudu sofrimentu pa más fórti
Perdidu nun dizértu nu faze nos própri nórti y nu kóre
Kédas ka pô-m medu, N kontinua, N ka râkua mésmu kantu nu ka tinha nun supórti
Y akridita tudu rima ben di korason
Kada son foi maniféstu puru móda un furakon
Nu baza sangi riba beat móda operason
Kai labanta firmi pamô txon ka pode ser koltxon

(É benson ô maldison?) Alvês N ta pensa na dizisti, ma dizisti é ka opson
(É benson ô maldison?) Alvês N ta ri, alvês N ta txora, alvês silénsiu é midjór son
(Alvês ta kóre, alvês ta kai) Ma na txon nu ka ta fika, kel-li k'é lei
(Alvês ta kóre, alvês ta kai) Ma nu ten ki sakrifika, soris ten ki sai

Oji más ki nunka N ka sa liga
Vós di mundu ki N silensia kantu mi N grita
Kantu N géra, kantu N txora, kantu N sua, kantu sen alternativa jilera sen nun kumida
Meiu dia sól ta subi pinga-pinga
Déntu trabadju na son di Goy lágua ta pinga
E' ten razón, alegrias pode ben manhan
Di oji sertéza nhas denti ten más forsa ki Konan
Y ka ten dias ki N ka da midjór di mi
Y si rapper prega amor, akridita ka ten midjór pa li
Es fla ator ka ta fadiga, nton mi é Bruce Lee
N krê na madrugadas palavras pa N ser kel MC
Kel MC ki ta imana sabiduria
Ki rasita kes rima na skina fórti pa alforia
Ki na alvorada kanta pa salva periferia
Ki nunka para, manti firmi entri láguas y alegria

(É benson ô maldison?) Alvês N ta pensa na dizisti, ma dizisti é ka opson
(É benson ô maldison?) Alvês N ta ri, alvês N ta txora, alvês silénsiu é midjór son
(Alvês ta kóre, alvês ta kai) Ma na txon nu ka ta fika, kel-li k'é lei
(Alvês ta kóre, alvês ta kai) Ma nu ten ki sakrifika, soris ten ki sai

Yeah, y oji rappers krê-m nha kabésa
Es pensa foi sórti? Kantu nu kai nu ka frakeja
Y nu rasteja ku forsa di dés mil jiganti
Pamô nos meta é portons di universu más distanti, sen xansi
Ti fin di tudu nu ta fika li, ritrata ruas mô reinu di Spike Lee
Ku mésmu lirisismu ki otrora abita li
Na kurason di kes puéta mortal mô bedjise
Inda N ta lenbra modi ónti prumeru rima ki N libera
Kumésu d'un karera kel puéta ki mi N ta serba
Na mei di békus y ladera, nha armuns, N vira kanéta reiada désdi inísiu
Fla-m ma N sa na xuxadera, era sangi sô, anus d'oru N xinti pulsason
Era pé na txon di txada a txada y yo pa gravason
Era elevason di kel puizia xei di informason
Didikason di prol en prol en nómi di kel salvason

(Nha rap é benson) Móda diskursus ki abala anus 60
Rinkarnason d'olhares fulminanti d'un Black Panther
(Benson) Nha Rap é benson, purgunta ruas k'e raprizenta
Karega luas, ribenta kuras pa juras ki invéja inventa
(Nha rap é benson) Pamô ku tudu láguas ki un dia kai nu manti firmi móda ezérsitu di dés mil samurai

Obrigadu, mai, bu véntri pa da homem ku H di herói
Si N bai manhan N fla nha filha ma legadu ka pode kai

(É benson ô maldison?) Eh-eh-eh-eh
(É benson ô maldison?) Eh-eh-eh
(Alvês ta kóre, alvês ta kai) Ma na txon nu ka ta fika, kel-li k'é lei, kel-li k'é lei
(Alvês ta kóre, alvês ta kai) Nu ten ki sakrifika, nu ten ki sakrifika